Më datën 24 prill 2019, në orën 19:00, në teatrin “Illyricum” në Gjuhadol / Shkodër, që është pjesë e Provincës Françeskane Shqiptare, u shfaq programi “Rri me ne!” i kushtuar  festës së Pashkëve dhe “Zojës së Këshillit të Mirë”, që është pajtorja e popullit shqiptarë.

Ky program shfaq nga Shoqnia Kulturore “Illyricum” miq të shën Françeskut.

Programi me këngë të kompozuara nga kompozitor me famë botërore dhe poezi të shkruara nga klerik të kishës katolike në Shqipni i dhanë kësaj mbrëmje e mbi gjitha këtyre festave bukurinë e veçantë. 

Me dallim prej herëve të tjera, në këtë koncert ishin këngëtar e aktorë të rinj që kënduan dhe interpretuan këto pika të programit e disa prej tyre edhe për herë të parë, kështu që me këtë program u bë edhe promovimi i talentave të rinj, që ka vendi ynë.

Prezantuesi i kësaj mbrëmje, aktori e regjisori Zef Ndoja e shpjegoj edhe titullin e programit “RRI ME NE”, ku përveç që është pjesë e njërës nga poezitë e interpretuara, janë edhe fjalët apostujve që i thonë Jezusit të ringjallur, por po ashtu me këtë thirrje edhe populli ynë gjatë shekujve thërret Zojës e Këshillit të Mirë.

Në fund të programit provinciali i Provincës Françeskane Shqiptare, Fra Aurel Gjerkaj përshëndeti të gjithë e ju urojë Festën e Pashkëve dhe të Zojës së Këshillit të Mirë e një herë i falënderoi të gjithëve MIQËT E SHËN FRANÇESKUT për realizimin e këtij programi festiv, si këngëtaret dhe aktorët, e në veçanti asistentin e Shoqnisë Illyricum fra Aleksandër Tanushi.

Fra Anton Selitaj